കണ്ണൂര്‍: ചക്കരക്കല്‍ മുഴപ്പാലയില്‍ ഡി.വൈ.എഫ്.ഐ പ്രവര്‍ത്തകനു വെട്ടേറ്റു. മുഴപ്പാല തിരുവോണത്തില്‍ സുജിനാണ് (25) വെട്ടേറ്റത്. വൈകുന്നേരം മൂന്നോടെ മുഴപ്പാലയില്‍ വച്ചായിരുന്നു സംഭവം.

കൈക്കും പുറത്തും വെട്ടേറ്റ ഇയാളെ എ.കെ.ജി ആശുപത്രിയില്‍ പ്രവേശിപ്പിച്ചു. രണ്ടു ബൈക്കുകളിലും കാറിലും എത്തിയവരാണ് ആക്രമണം നടത്തിയത്. സംഭവത്തിനു പിന്നില്‍ കോണ്‍ഗ്രസ് പ്രവര്‍ത്തകരാണെന്നു സി.പി.എം ആരോപിച്ചു. ചക്കരക്കല്‍ പൊലിസ് സ്ഥലത്തെത്തി.