തിരുവനന്തപുരം: 2016 ആഗസ്റ്റ് 13,14 തിയതികളില്‍ തൊടുപുഴയില്‍ നടക്കുന്ന എസ്.കെ.എസ്.എസ്.എഫ് സൗത്ത് കേരള ഡെലിഗേറ്റ്‌സ് കോണ്‍ഫറന്‍സിന്റെ പ്രചാരണോദ്ഘാടനം നാളെ തിരുവനന്തപുരം എം.ഇ.എസ് ഓഡിറ്റോറിയത്തില്‍ നടക്കും. കാലത്ത് 10നു നടക്കുന്ന പരിപാടി സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും.
സമസ്ത കേരള ജംഇയ്യത്തുല്‍ ഉലമ ജില്ലാ പ്രസിഡന്റ് വിഴിഞ്ഞം സഈദ് മൗലവി അധ്യക്ഷനാകും. സംസ്ഥാന സെക്രട്ടറി സയ്യിദ് അബ്ദുല്ല തങ്ങള്‍ ദാരിമി മുഖ്യപ്രഭാഷണം നടത്തും. നസീര്‍ഖാന്‍ ഫൈസി, തോന്നക്കല്‍ ജമാല്‍, ഫഖ്‌റുദ്ദീന്‍ ബാഖവി, ശറഫുദ്ദീന്‍ ബാഖവി, അഹ്മദ് റഷാദി, നൗഫല്‍ കുട്ടമശ്ശേരി, ശാനവാസ് കണിയാപുരം, അബ്ദുസ്സലാം വേളി, അബ്ദുല്ല മഹ്‌ളരി, അഡ്വ. ഹസീം മുഹമ്മദ് പ്രസംഗിക്കും. സൗത്ത് കേരള ഡെലിഗേറ്റ്‌സ് കോണ്‍ഫറന്‍സില്‍ എറണാംകുളം മുതല്‍ തിരുവനന്തപുരം വരെയുള്ള ഏഴ് ജില്ലകളില്‍ നിന്നു തെരഞ്ഞെടുക്കപ്പെട്ട പ്രതിനിധികളാണ് പങ്കെടുക്കുക.