ബദിയടുക്ക (കാസര്‍കോട്): ഷോക്കേറ്റു മരിച്ചയാളെ കിണറ്റില്‍ കൊണ്ടിട്ട സംഭവത്തില്‍ പൊലിസ് കസ്റ്റഡിയിലെടുത്ത അയല്‍വാസിയുടെ അറസ്റ്റ് രേഖപ്പെടുത്തി. പെര്‍ളബജ കൂഡ്‌ലുവിലെ സുന്ദര(44)യുടെ മൃതദേഹം കിണറ്റില്‍ കണ്ടെത്തിയ സംഭവത്തിലാണ് അയല്‍ക്കാരന്‍ വാമനായ്കി(52)നെ പൊലിസ് അറസ്റ്റ് ചെയ്തത്. സുന്ദര അബദ്ധത്തില്‍ കിണറ്റില്‍ വീണതായിരിക്കുമെന്ന സംശയമാണ് ആദ്യം ഉയര്‍ന്നത്. മൃതദേഹം വിദഗ്ധ പോസ്റ്റുമോര്‍ട്ടത്തിന് വിധേയമാക്കിയതോടെ വൈദ്യുതാഘാതമേറ്റാണു സുന്ദര മരിച്ചതെന്നും വെള്ളത്തില്‍ മുങ്ങിയല്ലെന്നും വ്യക്തമായത്. വാമനനായക് പന്നികളുടെയും മറ്റും ശല്യം ഒഴിവാക്കാന്‍ സ്ഥാപിച്ച വൈദ്യുതികമ്പിയില്‍ തട്ടി സുന്ദര ഷോക്കേറ്റ് മരിച്ചതാണെന്നു പൊലിസ് അന്വേഷണത്തില്‍ തെളിഞ്ഞു.