ജിദ്ദ: കാസര്‍കോട്ട് മദ്‌റസ അധ്യാപകനെ വെട്ടിക്കൊലപ്പെടുത്തിയത് അതിക്രൂരവും മന:സാക്ഷിയെ മരവിപ്പിക്കുന്നതുമാണെന്ന് ജിദ്ദ ഇസ്‌ലാമിക് സെന്റര്‍ പ്രസ്താവനയില്‍ അറിയിച്ചു.

മദ്രസ അധ്യാപകര്‍ നിസ്വാര്‍ത്ഥ സേവകരാണ്. അവര്‍ രാജ്യത്തിന്റെ ശത്രുക്കളല്ല സൗഹാര്‍ദ്ധ അന്തരീക്ഷത്തില്‍ നിലകൊള്ളുന്നവരാണെന്നും, കാസര്‍കോട് നിലകൊള്ളുന്ന സമാധാന അന്തരീക്ഷം തകര്‍ക്കാന്‍ ആരും ശ്രമിക്കരുതെന്നും കുറ്റവാളികളെ ഉടന്‍ നിയമത്തിനു മുന്നില്‍ കൊണ്ടുവരാന്‍ നിയമപാലകര്‍ക്ക് കഴിയണമെന്നും ജിദ്ദ ഇസ്‌ലാമിക് സെന്റര്‍, എസ്.കെ.ഐ.സി, എസ്.വൈ.എസ് നേതാക്കളായ സയ്യിദ് സഹല്‍ തങ്ങള്‍, സയ്യിദ് ഉബൈദുല്ല തങ്ങള്‍ മേലാറ്റൂര്‍, അബ്ദുല്‍ കരീം ഫൈസി, അലി മൗലവി നാട്ടുകല്‍, അബ്ദുല്ല ഫൈസി കൊളപ്പറമ്പ്, അബ്ദുല്ല കുപ്പം, അസീസ് പറപ്പൂര്‍, അബ്ദുല്‍ ജബ്ബാര്‍ മണ്ണാര്‍ക്കാട്, മുസ്തഫ ബാഖവി ഊരകം, ഹാഫിസ് ജഅഫര്‍ വാഫി, അബ്ദുല്‍ ബാരി ഹുദവി, സവാദ് പേരാമ്പ്ര തുടങ്ങിയവര്‍ ആവശ്യപ്പെട്ടു.