പെരിന്തല്‍മണ്ണ:ഏറ്റവും കൂടുതല്‍ യാത്രക്കാര്‍ ആശ്രയിക്കുന്ന നഗരസഭാ കാര്യാലയത്തിന് മുന്‍വശത്തെ ബസ് സ്റ്റോപ്പ് എടുത്ത് മാറ്റിയതില്‍ പ്രതിഷേധിച്ച് പ്രതിപക്ഷ യു.ഡി.എഫ് കൗണ്‍സിലര്‍മാര്‍ ഇന്ന് രാവിലെ എട്ടിന് പ്രതീകാത്മക ബസ് സ്റ്റോപ്പ് നിര്‍മിച്ച് സമരം നടത്തും.
ട്രാഫിക് പരിഷ്‌കാരം പിന്‍വലിച്ചില്ലെങ്കില്‍ ശക്തമായ ബഹുജന സമരം നേരിടേണ്ടി വരുമെന്ന് യു.ഡി.എഫ് കൗണ്‍സിലര്‍മാര്‍ പറഞ്ഞു. മുനിസിപ്പല്‍ മുസ്‌ലിം യൂത്ത് ലീഗിന്റെ നേതൃത്വത്തില്‍ ഇവിടെ ബസുകള്‍ തടയും. ബസ് സ്റ്റാന്‍ഡ് പുനഃസ്ഥാപിക്കും വരെ സമരവുമായി മുന്നോട്ട് പോകാനാണ് യൂത്ത് ലീഗ് തീരുമാനം.