കൊച്ചി: സുറിയാനി സഭാ അധ്യക്ഷന്‍ ഇഗ്നാത്തിയോസ് അപ്രേം രണ്ടാമന്‍ പാത്രിയാര്‍ക്കിസ് ബാവയുടെ രണ്ടാം ഇന്ത്യാ സന്ദര്‍ശനം ഇന്ന് ആരംഭിക്കും. രാവിലെ ഒന്‍പതിന് കൊച്ചി അന്താരാഷ്ട്ര വിമാനത്താവളത്തില്‍ എത്തുന്ന ബാവയെ സഭാ ഭാരവാഹികളും രാഷ്ട്രീയ, സാമൂഹിക നേതാക്കളും ചേര്‍ന്ന് സ്വീകരിക്കും. നാളെ രാവിലെ മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തും. 24ന് പുലര്‍ച്ചെ 5.30ന് ഡല്‍ഹിക്ക് പുറപ്പെടുന്ന അദ്ദേഹം രാഷ്ട്രപതി, പ്രധാനമന്ത്രി എന്നിവരെ സന്ദര്‍ശിച്ചശേഷം 26ന് ലബനിലേക്ക് യാത്രയാകും.
വാര്‍ത്താസമ്മേളനത്തില്‍ പബ്ലിസിറ്റി കമ്മിറ്റി ചെയര്‍മാന്‍ ഡോ. കുര്യാക്കോസ് മോര്‍ തെയോഫിലോസ് മെത്രാപ്പൊലിത്ത, സഭാ സെക്രട്ടറി ജോര്‍ജ് മാത്യു തെക്കേത്തലക്കല്‍, മോന്‍സി വാവച്ചന്‍, ബൈജു മാത്യു എന്നിവര്‍ പങ്കെടുത്തു.