തിരുവനന്തപുരം: മൂന്നാം ക്ലാസ് വിദ്യാര്‍ഥിയെ പ്രകൃതി വിരുദ്ധ പീഡനത്തിനിരയാക്കിയ റിട്ട. എസ്.ഐയെ പൂജപ്പുര പൊലിസ് പിടികൂടി. തിരുമല അരയല്ലൂര്‍ സ്വദേശിയും പേരൂര്‍ക്കട എസ്.എ.പി ക്യാംപിലെ റിട്ട. ബറ്റാലിയന്‍ എസ്.ഐയുമായ കൃഷ്ണകുമാറാണ് (62) പിടിയിലായത്.
ഇക്കഴിഞ്ഞ ഞായറാഴ്ചയായിരുന്നു സംഭവം. ഇയാള്‍ സര്‍വീസില്‍ നിന്ന് വിരമിച്ചശേഷം അരയല്ലൂരില്‍ ഇലക്ട്രിക് വര്‍ക്ക് ഷോപ്പ് നടത്തിവരികയാണ് .ഞായറാഴ്ച വര്‍ക്ക് ഷോപ്പിന് സമീപത്തുകൂടി പോകുകയായിരുന്ന പ്രദേശവാസിയായ മൂന്നാം ക്ലാസുകാരനെ  അനുനയത്തില്‍ വര്‍ക്ക്‌ഷോപ്പിനുള്ളിലേക്ക് വിളിച്ചുവരുത്തി പീഡിപ്പിച്ചു എന്നാണ് പരാതി. സംഭവത്തിനു ശേഷം കുട്ടിയെ ഇയാള്‍ ഭീഷണിപ്പെടുത്തിയതിനാല്‍ പിന്നീടാണ് കുട്ടി ഇക്കാര്യം വീട്ടുകാരോട് പറഞ്ഞത്. തുടര്‍ന്ന് വീട്ടുകാര്‍ പൂജപ്പുര എസ്.ഐയ്ക്ക് പരാതി നല്‍കി. കുട്ടി ഇയാളെ തിരിച്ചറിഞ്ഞിട്ടുണ്ട്.