കാക്കനാട്: സീപോര്‍ട്ട് എയര്‍പോട്ട് റോഡില്‍ മദ്യ ലഹരിയില്‍ യുവാവ് അമിത വേഗതയില്‍ ജീപ്പ് ഓടിച്ച് അപകടം സൃഷ്ടിച്ചു. ഇന്നലെ വൈകിട്ട്  മണിക്ക് പ്രത്യേക സാമ്പത്തിക മേഖലയ്ക്കു സമീപമാണ് അപകടം നടന്നത്. ആര്‍ക്കും പരിക്കില്ല. കാക്കനാട് നിന്നും ഇരുമ്പനം ഭാഗത്തേക്ക് അമിത വേഗതയില്‍ വന്ന തിരുവനന്തപുരം രജിസ്‌ട്രേഷന്‍ ജീപ്പ്  എതിര്‍ ദിശയില്‍ നിന്നും വന്ന ആള്‍ട്ടോ കാറിലും ടൂവിലറിലും തട്ടിയതിനു ശേഷം എയര്‍പോര്‍ട്ടിലേക്ക് പോകുകയായിരുന്ന ഹോണ്ട സിറ്റി കാറില്‍ നേര്‍ക്കു നേരെ ഇടിച്ച് നില്‍ക്കുകയായിരുന്നു. പൊലിസ് എത്തി ഡ്രൈവറെയും വാഹനവും  കസ്റ്റഡിയില്‍ എടുത്തു.