പേരാമ്പ്ര: പേരാമ്പ്ര മണ്ഡലം യൂത്ത് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ രാജീവ് ഗാന്ധി അനുസ്മരണം നടത്തി. പേരാമ്പ്ര ബസ്സ്റ്റാന്‍ഡ് പരിസരത്ത് അനുസ്മരണ സമ്മേളനവും ഛായാചിത്രത്തില്‍ പുഷ്പാര്‍ച്ചനയും നടത്തി.
യൂത്ത് കോണ്‍ഗ്രസ് വടകര പാര്‍ലമെന്റ് മണ്ഡലം പ്രസിഡന്റ് പി.കെ രാഗേഷ് ഉദ്ഘാടനം ചെയ്തു. ബ്ലോക്ക് കോണ്‍ഗ്രസ് പ്രസിഡന്റ് രാജന്‍ മരുതേരി മുഖ്യപ്രഭാഷണം നടത്തി. യൂത്ത് കോണ്‍ഗ്രസ് മണ്ഡലം പ്രസിഡന്റ് റംഷാദ് പാണ്ടിക്കോട് അധ്യക്ഷനായി. ബ്ലോക്ക് കോണ്‍ഗ്രസ് ജനറല്‍ സെക്രട്ടറി ഇ.പി മുഹമ്മദ്, സായൂജ് അമ്പലക്കണ്ടി, പി.കെ അനൂപ്, കെ.സി അനീഷ്, അജ്മല്‍ ചേനായി, ഷാജഹാന്‍ കാരയാട്, ഷന്‍വീര്‍, പ്രഗീഷ് പാറാട്ടുപാറ സംസാരിച്ചു.
ബാലുശ്ശേരി: മണ്ഡലം കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ രാജീവ് ഗാന്ധിയുടെ ഇരുപത്തിയേഴാം ചരമവാര്‍ഷികം വിവിധ പരിപാടികളോടെ ആചരിച്ചു. രാവിലെ ബസ്സ്റ്റാന്‍ഡ് പരിസരത്ത് പുഷ്പാര്‍ച്ചനയും അനുസ്മരണ യോഗവും നടത്തി. മണ്ഡലം പ്രസിഡന്റ് സി. രാജന്‍ അധ്യക്ഷനായി. കെ.പി.സി.സി എക്‌സി. മെംബര്‍ കെ. ബാലകൃഷ്ണന്‍ കിടാവ് ഉദ്ഘാടനം ചെയ്തു. കെ.കെ പരീദ്, കോരപ്പറ്റ ശ്രീനിവാസന്‍, പി. ഷണ്‍മുഖദാസ്, സി.വി ബഷീര്‍ മനോജ് കുന്നോത്ത്, പി. വിശ്വനാഥന്‍ നായര്‍ സംസാരിച്ചു.