പേരാമ്പ്ര: എരവട്ടൂരില്‍ രണ്ടു കറവപ്പശുക്കള്‍ ചത്തതിനെ തുടര്‍ന്ന് നാട്ടുകാര്‍ ഭീതിയില്‍. തൊട്ടടുത്ത ദിവസങ്ങളില്‍ എരവട്ടൂര്‍ 18-ാം വാര്‍ഡിലെ കുഴിച്ചാലില്‍ ദാമോദരന്റെയും വെള്ളയോട് ചാലില്‍ കെ.യു കുമാരന്റെയും രണ്ടു പശുക്കളാണ് ചത്തത്.
കാരണം വ്യക്തമല്ല. വെറ്ററിനറി ഡോക്ടര്‍മാര്‍ പരിശോധന നടത്തി പോസ്റ്റ്‌മോര്‍ട്ടം നടത്താന്‍ തയാറായില്ലെന്ന് ആരോപണമുണ്ട്.
ചങ്ങരോത്ത് പഞ്ചായത്തിലും മറ്റും നിപാ വൈറസ് ബാധയെ തുടര്‍ന്ന് ആളുകള്‍ മരിക്കാനിടയായ സംഭവവുമായി ഏതെങ്കിലും തരത്തിലുള്ള ബന്ധമുണ്ടോയെന്നാണ് നാട്ടുകാരുടെ സംശയം. പശുക്കള്‍ ചത്തതിനെ കുറിച്ച് അന്വേഷണം നടത്താന്‍ അധികൃതര്‍ തയാറാകണമെന്ന് ക്ഷീരകര്‍ഷകരും നാട്ടുകാരുംആവശ്യപ്പെട്ടു.