നിലമ്പൂര്‍: എട്ടു വയസുകാരിയെ പീഡിപ്പിച്ച ബന്ധുവിനെ നിലമ്പൂര്‍ സി.ഐ കെ.എം ബിജു അറസ്റ്റ് ചെയ്തു. കരിമ്പുഴ തെക്കരതൊടി ഷമീര്‍ ബാബു(32)വിനെയാണ് അറസ്റ്റു ചെയ്തത്. പെണ്‍കുട്ടിയുടെ ബന്ധുവാണ് പ്രതി.
പെണ്‍കുട്ടി നിരന്തരമായി പീഡനത്തിനിരയാകുന്നുവെന്ന് ചൈല്‍ഡ് ലൈനിന്റെ ടോള്‍ ഫ്രീ നമ്പറില്‍ രഹസ്യ വിവരം ലഭിക്കുകയായിരുന്നു. തുടര്‍ന്ന് ചൈല്‍ഡ്‌ലൈന്‍ പ്രവര്‍ത്തകര്‍ കുട്ടിയെ കൗണ്‍സില്‍ ചെയ്തപ്പോഴാണ് ഞെട്ടിക്കുന്ന പീഡന വിവരം പുറത്തായത്. പ്രതി പെണ്‍കുട്ടിയുടെ സ്വകാര്യ ഭാഗങ്ങളില്‍ സ്പര്‍ശിക്കുകയും നിരന്തരമായി പീഡനത്തിരയാക്കുകയും ചെയ്തതായി കുട്ടി മൊഴി നല്‍കിയിട്ടുണ്ട്. തുടര്‍ന്ന് എഫ്.ഐ.ആര്‍ രജിസ്റ്റര്‍ ചെയ്തു ഉടന്‍ തന്നെ പ്രതിയെ പിടികൂടി. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.