ഗൂഡല്ലൂര്‍: ഗൂഡല്ലൂര്‍-സുല്‍ത്താന്‍ ബത്തേരി അന്തര്‍സംസ്ഥാന പാതയിലെ പാട്ടവയല്‍ അതിര്‍ത്തിയില്‍ ഭീമന്‍ വീട്ടിമരം കടപുഴകി വീണ് മണിക്കൂറുകളോളം ഗതാഗതം തടസപ്പെട്ടു. ഇന്നലെ ഉച്ചക്ക് 2.45 നാണ് ശക്തമായ മഴയില്‍ വീട്ടിമരം കടപുഴകി റോഡിലേക്ക് വീണത്. വിവരമറിഞ്ഞ് ഗൂഡല്ലൂരില്‍ നിന്നെത്തിയ അഗ്നിശമന സേന മരംമുറിച്ച് മാറ്റിയതിന് ശേഷമാണ് വൈകുന്നേരത്തോടെ ഈ റൂട്ടില്‍ ഗതാഗതം പുനസ്ഥാപിച്ചത്.
മരംവീണതോടെ റോഡിന്റെ ഇരുവശങ്ങളിലും നിരവധി വാഹനങ്ങളാണ് കുടുങ്ങിക്കിടന്നത്.