മങ്കട: മലപ്പുറം പാര്‍ലിമെന്റ് ഉപതെരഞ്ഞെടുപ്പ് ഫലം കേന്ദ്ര സംസ്ഥാന സര്‍ക്കാറുകള്‍ക്ക് താക്കീതായി മാറുമെന്ന് മുതിര്‍ന്ന കോണ്‍ഗ്രസ് നേതാവ് ആര്യാടന്‍ മുഹമ്മദ് പറഞ്ഞു. തിരൂര്‍ക്കാട് വാവാസ് ഓഡിറ്റോറിയത്തില്‍ നടന്ന മങ്കട മണ്ഡലം യു.ഡി.എഫ് തെരഞ്ഞെടുപ്പ് കണ്‍വെന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.  പി.രാധാകൃഷ്ണന്‍ മാസ്റ്റര്‍ അധ്യക്ഷനായി. മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, യു.ഡി.എഫ് സ്ഥാനാര്‍ഥി പി.കെ കുഞ്ഞാലിക്കുട്ടി, ഡി.സി.സി പ്രസിഡന്റ് വി.വി പ്രകാശ്, എം.പി അബ്ദുസമദ് സമദാനി, അഡ്വ.കെ.എന്‍.എ ഖാദര്‍, എം.എല്‍.എമാരായ ടി.എഅഹമ്മദ് കബീര്‍, കെ. സചീന്ദ്രന്‍, കെ.എസ് ശബരീനാഥ്, പ്രഫ.കെ.കെ ആബിദ് ഹുസൈന്‍ തങ്ങള്‍, എ.പി അനില്‍കുമാര്‍, എസ്.ടി.യു ദേശീയ സെക്രട്ടറി അഡ്വ.എം.റഹ്മത്തുള്ള, അഡ്വ.ഷിബു, സലീം കുരുവമ്പലം, പാലോളിമുഹമ്മദാലി, ഇ.മുഹമ്മദ് കുഞ്ഞി, സമദ് മങ്കട, ഉമര്‍ അറക്കല്‍, ടി.കെ.ശശീന്ദ്രന്‍, അഡ്വ.പി.വി.മനാഫ്, അബൂയുസുഫ് ഗുരുക്കള്‍, വി.എ.കരീം, കെ.എസ്.ഹംസ, ഇബ്രാഹീം മുതുവൂര്‍, അഡ്വ.ടി.കുഞ്ഞാലി, സലാം ചട്ടിപ്പറമ്പ് എന്നിവര്‍ സംബന്ധിച്ചു.