മലപ്പുറം: പ്രകൃതി സംരക്ഷണ ഏകോപന സമിതിയുടെ നേതൃത്വത്തില്‍ ജൂലൈ ഒന്‍പതിന് മഴനടത്തം സംഘടിപ്പിക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. രാവിലെ പത്തിന് വയനാട്ടിലെ ലക്കിടി ചുരത്തിന് മുകളിലെ ഓറിയന്റല്‍ മാനേജ്‌മെന്റ് സ്‌കൂളില്‍ നിന്ന് തുടങ്ങി അടിവാരത്ത് സമാപിക്കും. വിദ്യാര്‍ഥികള്‍, അധ്യാപകര്‍, സാംസ്‌കാരിക പ്രവര്‍ത്തകര്‍, പരിസ്ഥിതി പ്രവര്‍ത്തകര്‍ എന്നിവര്‍ യാത്രയില്‍ ഭാഗമാവും. പങ്കെടുക്കുന്ന വിദ്യാര്‍ഥികള്‍ക്ക് സര്‍ട്ടിഫിക്കറ്റും മികച്ച പ്രകടനം കാഴ്ചവെക്കുന്ന സ്‌കൂളുകള്‍ക്ക് സമ്മാനവും നല്‍കും. വാര്‍ത്താ സമ്മേളനത്തില്‍ ഗുരുജി പി.എ ജോസഫ്, ഡോ. പി. രാമകൃഷ്ണന്‍ എന്നിവര്‍ പങ്കെടുത്തു.