മലപ്പുറം: ജലം നമുക്കുമാത്രം അവകാശപ്പെട്ടതല്ലെന്നും വരും തലമുറക്കായി കരുതിവയ്ക്കണമെന്നും പാണക്കാട് സയ്യിദ് സ്വാദിഖലി ശിഹാബ് തങ്ങള്‍. അന്താരാഷ്ട്ര ജലദിനത്തോടനുബന്ധിച്ചു മുസ്‌ലിംലീഗ് സംസ്ഥാന പരിസ്ഥിതി സംരക്ഷണ സമിതിയും തൃശൂര്‍ ആസ്ഥാനമായുള്ള വെല്‍നെസ് ഫൗണ്ടേഷനും സംയുക്തമായി സംഘടിപ്പിച്ച സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.
സമിതി ചെയര്‍മാന്‍ കുട്ടി അഹമ്മദ് കുട്ടി അധ്യക്ഷനായി. മുസ്‌ലിംലീഗ് ജില്ലാ ജനറല്‍ സെക്രട്ടറി കെ.എന്‍.എ ഖാദര്‍ പ്രതിജ്ഞ ചൊല്ലിക്കൊടുത്തു.
ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി, ട്രഷറര്‍ പി.വി അബ്ദുല്‍ വഹാബ് എം.പി, സംസ്ഥാന ജനറല്‍ സെക്രട്ടറി കെ.പി.എ മജീദ്, ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, കുറുക്കോളി മൊയ്തീന്‍, പി. സല്‍മ ടീച്ചര്‍, സമിതി  സംസ്ഥാന കണ്‍വീനര്‍ സലീം കുരുവമ്പലം, സക്കീന പുല്‍പ്പാടന്‍ സംസാരിച്ചു.
വെല്‍നെസ് ഡയറക്ടര്‍ ഹുസൈന്‍ ചെറുതുരുത്തി ക്ലാസ് നയിച്ചു.