അമ്പലത്തറ: നായാട്ടിനിടയില്‍ നാടന്‍ തോക്കും തിരകളുമായി രണ്ടുപേരെ പൊലിസ് പിടികൂടി. പുല്ലൂര്‍ തൊടപ്പനയിലെ  മനോജ്(28), ബേഡകം കൈരളിപ്പാറയിലെ മനോഹരന്‍ (27) എന്നിവരെയാണ് ചൊവ്വാഴ്ച പുലര്‍ച്ചെ അമ്പലത്തറ അഡിഷണല്‍ എസ്.ഐ ശശി കയ്യൂരും സംഘവും ചേര്‍ന്നു പിടികൂടിയത്. ഇവരുടെ കൈയില്‍ ഒരു നാടന്‍ തിരതോക്ക്, നാല് തിര, ഹെഡ്‌ലൈറ്റ്, ഒരു കത്തി എന്നിവയും  പൊലിസ് പിടിച്ചെടുത്തു. അമ്പലത്തറ പൊലിസ് പരിധിയില്‍പ്പെട്ട ഉദയ നഗറിലെ വനങ്ങളില്‍ നായാട്ട് വ്യാപകമായതായി പരാതി ഉയര്‍ന്നതിനെ തുടര്‍ന്നു പൊലിസ് സംഘം നടത്തിയ പട്രോളിങിനിടയിലാണ് നായാട്ട് സംഘം പിടിയിലായത്. എസ്.ഐക്ക് പുറമെ അഡി.എസ്.ഐ ജോസ്, ഡ്രൈവര്‍ കമല്‍ എന്നിവരും പൊലിസ് സംഘത്തില്‍ ഉണ്ടായിരുന്നു. ഇന്നലെ ഹൊസ്ദുര്‍ഗ് ജുഡിഷ്യല്‍ മജിസ്‌ട്രേറ്റ് കോടതിയില്‍ ഹാജരാക്കിയ പ്രതികളെ
റിമാന്‍ഡ് ചെയ്തു.