കാഞ്ഞങ്ങാട്: ആറങ്ങാടി പറമ്പത്ത് മഖാം ഉറൂസ് നാളെ മുതല്‍ 27വരെ വിവിധ പരിപാടികളോടെ നടക്കുമെന്നു സംഘാടകര്‍ വാര്‍ത്താസമ്മേളനത്തില്‍ അറിയിച്ചു. നാളെ വൈകുന്നേരം ഏഴിനു സമസ്ത പ്രസിഡന്റും കാഞ്ഞങ്ങാട് സംയുക്ത മുസ്‌ലിം ജമാഅത്ത് ഖാസിയുമായ സയ്യിദ് മുഹമ്മദ് ജിഫ്രി മുത്തു കോയ തങ്ങള്‍ ഉദ്ഘാടനം ചെയ്യും. സുവനീര്‍ പ്രകാശനം സംയുക്ത ജമാഅത്ത് പ്രസിഡന്റ് മെട്രോ മുഹമ്മദ് ഹാജി നിര്‍വഹിക്കും.  24നു വൈകുന്നേരം നടക്കുന്ന ചടങ്ങില്‍ കോഴിക്കോട് ഖാസി സയ്യിദ് മുഹമ്മദ് കോയ ജമലുലൈലി തങ്ങള്‍ പ്രാര്‍ഥനയ്ക്കു നേതൃത്വം നല്‍കും.
26നു വൈകുന്നേരം  ഏഴിനു ഖാഫില ബുര്‍ദ സംഘം അവതരിപ്പിക്കുന്ന ബുര്‍ദ മജ്‌ലിസ് നടക്കും. പരിപാടിയുടെ ഉദ്ഘാടനം മുഹമ്മദ് ശരീഫ് മിസ്ബാഹി നിര്‍വഹിക്കും. സയ്യിദ് മഹ്മൂദ്  സഫ്‌വാന്‍ തങ്ങള്‍ ഏഴിമല പ്രാര്‍ഥനയ്ക്കു നേതൃത്വം നല്‍കും. 27 നു വൈകുന്നേരം അന്നദാനത്തോടെ പരിപാടികള്‍ സമാപിക്കും. വിവിധ ദിവസങ്ങളിലായി കേരളത്തിലെ പ്രമുഖ വാഗ്മികള്‍ പ്രഭാഷണം നടത്തും.
വാര്‍ത്താസമ്മേളനത്തില്‍ ജമാഅത്ത് പ്രസിഡന്റ് ടി റംസാന്‍, ഉറൂസ് കമ്മിറ്റി ചെയര്‍മാന്‍ സി.എച്ച് അബ്ദുല്‍ ഹമീദ് ഹാജി, ജനറല്‍കണ്‍വീനര്‍ എം.കെ അഷ്‌റഫ്, അബൂദാബി കാഞ്ഞങ്ങാട് സംയുക്ത ജമാഅത്ത് വൈസ് പ്രസിഡന്റ് എം.കെ അബ്ദുറഹ്മാന്‍, ഉറൂസ് കമ്മിറ്റി ട്രഷറര്‍ കാസ്മി കുഞ്ഞബ്ദുല്ല ഹാജി, കണ്‍വീനര്‍ ഷെരീഫ് പാലക്കി എന്നിവര്‍ സംബന്ധിച്ചു.