കാഞ്ഞങ്ങാട്: ജില്ലാ ലൈബ്രറി കൗണ്‍സില്‍ വികസന സമിതി സംഘടിപ്പിക്കുന്ന പുസ്തകോത്സവം 24 മുതല്‍ 26 വരെ കാഞ്ഞങ്ങാട് ആലാമിപ്പള്ളി പുതിയ ബസ് സ്റ്റാന്‍ഡ് പരിസരത്തു നടക്കും. പുസ്തകോത്സവത്തിന്റെ ഭാഗമായി നാടക സംവാദം, നാടകോത്സവം, കവിതാലാപനം, ലൈബ്രേറിയന്‍മാരുടെ സംഗമം, പുസ്തകപ്രകാശനം, ആദരം, അനുമോദനവും നാടോടി കലാവതരണം എന്നിവ നടക്കും.
24നു രാവിലെ 10നു പ്രശ്‌സതനാടക-സിനിമാ പ്രവര്‍ത്തകന്‍ ഡോ. എം രാമസ്വാമി ഉദ്ഘാടനം ചെയ്യും.
പ്രൊഫ എം.എ റഹ്മാന്‍, ഡോ. മീനാക്ഷി എന്നിവര്‍ മുഖ്യാതിഥികളാവും. സംസ്ഥാന ലൈബറി കൗണ്‍സില്‍ സെക്രട്ടറി പി അപ്പുക്കുട്ടന്‍ മുഖ്യ പ്രഭാഷണം നടത്തും.