കാസര്‍കോട്: പുതുക്കി പണിത മൊഗര്‍ നൂറുല്‍ ഇസ്‌ലാം മദ്‌റസ കെട്ടിടത്തിന്റെ ഉദ്ഘാടനവും സമസ്ത ജനറല്‍ സെക്രട്ടറി പ്രൊഫ.ആലിക്കുട്ടി മുസ്‌ലിയാരുടെ മൊഗര്‍ മഹല്ല് ഖാസിയായുള്ള സ്ഥാനാരോഹണവും നാളെ നടക്കുമെന്ന് സംഘാടകര്‍ വാര്‍ത്താ സമ്മേളനത്തില്‍ അറിയിച്ചു.
വൈകുന്നേരം നാലിനു സമസ്ത പ്രസിഡന്റ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. സൈനുല്‍ ആബിദിന്‍ തങ്ങള്‍ അല്‍ ബുഖാരി അധ്യക്ഷനാവും. യു.എം അബ്ദു റഹ്മാന്‍ മുസ്‌ലിയാര്‍, അബ്ദുല്‍ മജീദ് ബാഖവി, സി.കെ മുഹമ്മദ് ദാരിമി, അബ്ദുല്ല അസ്ഹനി, ഹാഷിം ദാരിമി ദേലംമ്പാടി പ്രഭാഷണം നടത്തും. തുടര്‍ന്ന് സ്വലാത്ത് വാര്‍ഷികം നടക്കും. എം മൊയ്തീന്‍ കുഞ്ഞി ഹാജി അധ്യക്ഷനാവും. മുഹമ്മദ് അലി അല്‍ ഖാദിരി ഉദ്ഘാടനം ചെയ്യും. അഷ്‌റഫ് റഹ്മാനി ചൗക്കി പ്രഭാഷണം നടത്തും. സ്വലാത്തിനും കൂട്ടുപ്രാര്‍ഥനക്കും സൈനുല്‍ ആബദിന്‍ തങ്ങള്‍ അല്‍ബുഖാരി കുന്നംകൈ നേതൃത്വം നല്‍കും. വാര്‍ത്താസമ്മേളനത്തില്‍ സംഘാടക സമിതി ഭാരവാഹികളായ മഷ്ഹൂദ് മൊഗര്‍, സിദ്ദീഖ് ഹുദവി മാണിയൂര്‍, സ്വാദിഖ് മൊഗര്‍, ഹമീദ് പള്ളംങ്കോട് സംബന്ധിച്ചു.