കാസര്‍കോട്: പഴയ ചൂരിയിലെ മദ്‌റസ അധ്യാപകന്‍ മുഹമ്മദ് റിയാസ് മുസ്‌ലിയാരുടെ കൊലപാതകത്തില്‍ ബി.ജെ.പിക്കോ സംഘ്പരിവാര്‍ സംഘടനകള്‍ക്കോ ബന്ധമില്ലെന്നു ബി.ജെ.പി ജില്ലാ പ്രസിഡന്റ് അഡ്വ.കെ ശ്രീകാന്ത് വാര്‍ത്താ സമ്മേളനത്തില്‍ അറിയിച്ചു. ഈ കൊലപാതകത്തില്‍ ബി.ജെ.പിയുടെ ഒരു പ്രവര്‍ത്തകനും ബന്ധമില്ല. കൃത്യമായ അന്വേഷണത്തിലൂടെ കുറ്റവാളികളെ പൊലിസ് കണ്ടെത്തണം.
കൊല്ലപ്പെട്ട മദ്‌റസ അധ്യാപകന്റെ കുടുംബത്തിനു സര്‍ക്കാര്‍ 10 ലക്ഷം രൂപ നഷ്ടപരിഹാരം നല്‍കണം. കഴിഞ്ഞ ദിവസങ്ങളില്‍ കാസര്‍കോട് ഉണ്ടായ അക്രമ സംഭവത്തില്‍ പരുക്കേറ്റവര്‍ക്കും നഷ്ടപരിഹാരം നല്‍കണം. വ്യാപാര സ്ഥാപനങ്ങളും വീടുകളും അക്രമത്തില്‍ നശിപ്പിക്കപ്പെട്ട സംഭവത്തിലും സമഗ്ര അന്വേഷണവും നഷ്ടപരിഹാര വിതരണവും ഉണ്ടാകണമെന്നും അദ്ദേഹം ആവശ്യപ്പെട്ടു.