കാസര്‍കോട്: കടകള്‍ക്കും ഹോട്ടലുകള്‍ക്കും നേരെ പൊലിസ് അതിക്രമം കാണിച്ചുവെന്നാരോപിച്ച് ഇന്നലെ ഏരിയാലില്‍ വ്യാപാരികള്‍ കടകളടച്ചു ഹര്‍ത്താലാചരിച്ചു. ഓട്ടോ ഡ്രൈവര്‍മാരെ ഒരു സംഘം ആളുകള്‍ മര്‍ദിച്ചുവെന്നാരോപിച്ചു ബന്തിയോട് ഓട്ടോ ഡ്രൈവര്‍മാരും ഹര്‍ത്താലാചരിച്ചു. ഓട്ടോഡ്രൈവര്‍മാരായ സുബൈര്‍, ബന്തിയോട് അട്ക്കയിലെ ഹമീദ്, അസ്‌ലം എന്നിവരെ മര്‍ദിച്ചതില്‍ പ്രതിഷേധിച്ചാണ് ഓട്ടോഡ്രൈവര്‍മാരുടെ ഹര്‍ത്താല്‍. ഏരിയാലിലെ യാക്കൂബ്, അബ്ബാസ് എന്നിവരുടെ ഹോട്ടലുകള്‍ക്കും ഇഖ്ബാല്‍, സി.ബി സത്താര്‍, അബ്ദുല്ല തുടങ്ങിയവരുടെ കടകള്‍ക്കും നേരെ പൊലിസ് അതിക്രമം കാണിച്ചുവെന്നാരോപിച്ചാണ് ഏരിയാലില്‍ വ്യാപാരി ഹര്‍ത്താല്‍ നടത്തിയത്.