കണ്ണൂര്‍: ഇ അഹമ്മദിന്റെ ഓര്‍മയ്ക്കായി യൂത്ത് ലീഗ് കണ്ണൂര്‍ മേഖലാ കമ്മിറ്റിയുടെ കീഴില്‍ കണ്ണൂര്‍ സിറ്റിയില്‍ സ്‌പോര്‍ട്‌സ് അക്കാദമി തുടങ്ങുന്നു. തുടക്കത്തില്‍ കണ്ണൂര്‍ ഫുട്‌ബോള്‍ ഫ്രണ്ട്‌സ് ഫ്രീ കോച്ചിങ് സെന്ററിലെ പരിശീലകരുടെ നേതൃത്വത്തില്‍ കണ്ണൂര്‍ സിറ്റിയില്‍ ഫുട്‌ബോള്‍ പരിശീലനം ആരംഭിക്കും.
തുടര്‍ന്ന് ക്രിക്കറ്റ്, ബാഡ്മിന്റണ്‍, ഗുസ്തി, കബഡി, കളരി, നീന്തല്‍ തുടങ്ങിയ മേഖലകളിലും പരിശീലനം ആരംഭിക്കും. കണ്ണൂര്‍ സിറ്റി ഹാജി ഒ.കെ സ്മാരക ലീഗ് ഹൗസില്‍ ചേര്‍ന്ന യോഗം ചെയര്‍മാനായി പി.കെ സമീറിനെയും കണ്‍വീനറായി സിയാദ് തങ്ങളെയും ട്രഷറായി ഷംസീര്‍ മൈതാനിപ്പള്ളി യെയും തെരഞ്ഞെടുത്തു. ഫുട്‌ബോള്‍ ചീഫ് ട്രെയ്‌നറായി ബി സമദിനെ നിയമിച്ചു.