മുക്കം: ഓമശേരിയിലെ ആശുപത്രി മാലിന്യവും അങ്ങാടിയിലെ മാലിന്യങ്ങളും ജനവാസ മേഖലയില്‍ തള്ളുന്നതായി പരാതി. പഞ്ചായത്തിലെ  കണ്ണങ്കോട്ടുമലയില്‍ നിന്ന് ഒഴുകുന്ന തോട്ടിലേക്കാണ് മാലിന്യം ഒഴുക്കിവിടുന്നത്. അങ്ങാടിയിലെ മാലിന്യങ്ങളും മഴയത്ത് ഇവിടെ ഒഴുകിയെത്തുന്നതിനാല്‍ പ്രദേശവാസികള്‍ക്ക് വലിയ ദുരിതമാണ്. ജലനിധിയുടെ കിണര്‍, നിരവധി കുടിവെള്ള പദ്ധതികളുടെ കിണര്‍ എന്നിവയും ഈ മാലിന്യത്തിന് തൊട്ടടുത്താണ് പ്രവര്‍ത്തിക്കുന്നത്.നിരവധി തവണ ഗ്രാമ പഞ്ചായത്തിലും ആരോഗ്യ വകുപ്പിലും പരാതി നല്‍കിയെങ്കിലും ഫലമുണ്ടായില്ലന്ന് നാട്ടുകാര്‍ പറയുന്നു.