തളിപ്പറമ്പ: തിരുവട്ടൂര്‍ എ.എല്‍.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. സ്‌കൂള്‍ ലീഡര്‍ സി ആഷിഫിന് പത്രം നല്‍കി പി.എം കുഞ്ഞബ്ദുല്ല ഉദ്ഘാടനം ചെയ്തു. സ്‌കൂളിലെ പൂര്‍വ വിദ്യാര്‍ഥി സി.ടി സാലിം(ഖത്തര്‍) ആണ് ഒരു വര്‍ഷത്തേക്കുള്ള പത്രം സ്‌പോണ്‍സര്‍ ചെയ്തത്. പ്രധാനധ്യാപകന്‍ കെ.കെ കൃഷ്ണന്‍ അധ്യക്ഷനായി. ടി.കെ.സി അബ്ദുല്ല ഹാജി, അബൂബക്കര്‍ അശ്രഫി, കരീം യൂസുഫ്, വി.വി ഷീജ, സി.വി മായ, വി.വി ദീപ സംസാരിച്ചു. അബ്ദുല്‍ റഷീദ് സ്വാഗതവും ഹസന്‍ കുഞ്ഞി നന്ദിയും പറഞ്ഞു.