കോട്ടയം: മറ്റക്കര ടോംസ് കോളജിന് 2017-18 അധ്യയന വര്‍ഷത്തേക്കുള്ള അഫിലിയേഷന്‍ പുതുക്കി നല്‍കാന്‍ ഓള്‍ ഇന്ത്യ കൗണ്‍സില്‍ ഫോര്‍ ടെക്‌നിക്കല്‍ എഡ്യുക്കേഷന്‍ (എ.ഐ.സി.ടി.ഇ) തീരുമാനം. ഈ വര്‍ഷം കുട്ടികളെ മറ്റ് കോളജുകളിലേക്ക് മാറ്റിയ നടപടിയും എ.ഐ.സി.ടി.ഇ അംഗീകരിച്ചു.

ഇതോടെ അടുത്ത അധ്യയന വര്‍ഷം പുതിയ അഡ്മിഷന്‍ ടോംസ് കോളജിന് നടത്താനാകുമെന്നും അധികൃതര്‍ അറിയിച്ചു. കേരള ടെക്‌നിക്കല്‍ യൂണിവേഴ്‌സിറ്റിയുടെ റിപ്പോര്‍ട്ടിന്റെ അടിസ്ഥാനത്തില്‍ എ.ഐ.സി.ടി.ഇ ടോംസ് കോളജില്‍ നടത്തിയ പരിശോധനയുടെ അടിസ്ഥാനത്തിലാണ് എഐസിടിഇ വീണ്ടും അംഗീകാരം നല്‍കിയത്. ഇന്ന് രാവിലെയാണ് ഇതു സംബന്ധിച്ച് ഉത്തരവ് ഇറങ്ങിയത്.

കോളജിനെതിരെ ഗുരുതരമായ ആരോപണങ്ങള്‍ ഉയര്‍ന്ന സാഹചര്യത്തിലായിരുന്നു സാങ്കേതിക സര്‍വകലാശാല അഫിലിയേഷന്‍ റദ്ദാക്കാന്‍ തീരുമാനിച്ചത്.