പൂനെ: ലോക ഒന്നാം നമ്പര്‍ എകദിന, ടി20 ബൗളര്‍ ദക്ഷിണാഫ്രിക്കയുടെ ഇമ്രാന്‍ താഹിര്‍ ഐ.പി.എല്ലിന്റെ പുതിയ സീസണില്‍ റൈസിങ് പൂനെ സൂപ്പര്‍ജൈന്റ്‌സിനായി കളത്തിലിറങ്ങും. ഓള്‍ റൗണ്ടര്‍ മിച്ചല്‍ മാര്‍ഷ് പരുക്കേറ്റു പുറത്തായതിനെ തുടര്‍ന്നാണു പൂനെ താഹിറിനെ ടീമിലെത്തിച്ചത്.
കഴിഞ്ഞ സീസണില്‍ ഡല്‍ഹി ഡെയര്‍ഡെവിള്‍സ് താരമായിരുന്നു താഹിര്‍. ഇത്തവണ 50 ലക്ഷം അടിസ്ഥാന വിലയുണ്ടായിരുന്ന താരത്തെ പക്ഷേ ആരും സ്വന്തമാക്കിയിരുന്നില്ല. നിലവില്‍ ഓസീസ് ലെഗ് സ്പിന്നര്‍ ആദം സാംപ പൂനെയിലുണ്ട്. താഹിറെത്തുന്നതോടെ ലെഗ് സ്പിന്‍ര്‍മാര്‍ രണ്ടായി.