പേരാമ്പ്ര: നിപാ വൈറസ് ബാധയെ തുടര്‍ന്ന് ഇന്നലെ മരിച്ച കൂരാച്ചുണ്ട് സ്വദേശി രാജനു വൈറസ് പകര്‍ന്നത് കഴിഞ്ഞദിവസം മരിച്ച സൂപ്പിക്കടയിലെ സ്വാലിഹില്‍ നിന്നെന്നു സംശയം. അവട്ടച്ചിറ മാടംവള്ളി മീത്തല്‍ രാജന്‍ (45) ആണ് കോഴിക്കോട് മെഡിക്കല്‍ കോളജ് ആശുപത്രിയില്‍ ഇന്നലെ രാവിലെ മരിച്ചത്.
ഇദ്ദേഹം പേരാമ്പ്ര സഹകരണ ആശുപത്രിയില്‍ ചികിത്സയിലുള്ള സമയത്ത് വൈറസ് ബാധയേറ്റു മരിച്ച സൂപ്പിക്കടയിലെ വളച്ചുകെട്ടിയില്‍ സ്വാലിഹ് അവിടെ ചികിത്സയിലുണ്ടായിരുന്നതായി പറയുന്നു. മൃതദേഹം കോഴിക്കോട് മാവൂര്‍ റോഡ് വൈദ്യുത ശ്മശാനത്തില്‍ സംസ്‌കരിച്ചു. പരേതനായ നാണുവിന്റെ മകനാണ്. മാതാവ്: നാരായണി. ഭാര്യ: സിന്ധു. മക്കള്‍: സാന്ദ്ര, സ്വാതി (ഇരുവരും വിദ്യാര്‍ഥികള്‍) സഹോദരങ്ങള്‍: ഗോപാലന്‍ (ചക്കിട്ടപ്പാറ) ജാനു (വട്ടച്ചിറ) കല്യാണി ( നരയംകുളം).