കൊച്ചി: വൈക്കം മുഹമ്മദ് ബഷീര്‍ മലയാള പഠന കേന്ദ്രത്തിന്റെ രണ്ടാമത് ബഷീര്‍ സ്മാരക പുരസ്‌കാരത്തിന് കൃതികള്‍ ക്ഷണിച്ചു. കഥ നോവല്‍ വിഭാഗത്തില്‍ മലയാള ഭാഷയില്‍ കഴിഞ്ഞ മൂന്ന് വര്‍ഷത്തിനുള്ളില്‍ പുറത്തിറങ്ങിയ ഏറ്റവും മികച്ച കൃതിക്കാണ് പുരസ്‌കാരം നല്‍കുക. 25001 രൂപയും ഫലകവും പ്രശംസാപത്രവുമടങ്ങുന്നതാണ് പുരസ്‌കാരം. പുസ്തകത്തിന്റെ മൂന്ന് കോപ്പി സഹിതം സെപ്തംബര്‍ 15 നകം കിട്ടത്തക്കവിധം ജസ്റ്റിസ് പി.കെ ഷംസുദ്ദീന്‍, ചെയര്‍മാന്‍, ബഷീര്‍ പുരസ്‌കാരം 2016, വൈക്കം മുഹമ്മദ് ബഷീര്‍ മലയാള പഠനകേന്ദ്രം, 'ജാസ്മിന്‍', എസ്.ആര്‍.എം റോഡ്, എറണാകുളം നോര്‍ത്ത്, കൊച്ചി 682 018 എന്ന വിലാസത്തില്‍ അയക്കണമെന്ന് ഭാരവാഹികള്‍ അറിയിച്ചു.