തിരുവനന്തപുരം:  പാര്‍ശ്വവത്കരിക്കപ്പെട്ടവര്‍ക്കു വേണ്ടി പ്രവര്‍ത്തിക്കുന്ന സന്നദ്ധസംഘടകളുടെ പൊതുവേദിയായ ജെസാലോക് മഞ്ച് നേതൃത്വ പരിശീലനവും സംസ്ഥാന സമ്മേളനവും ഈ മാസം 24, 25 തിയതികളില്‍ തിരുവനന്തപുരത്ത് നടക്കും. 24ന് ശ്രീകാര്യം ലയോള കോളജ് എക്‌സറ്റന്‍ഷന്‍ സര്‍വീസ് ഹാളില്‍ ആദ്യദിന പരിശീലനം നടക്കും. 25ന് ഐക്കഫ് സെന്ററിലും പ്രസ് ക്ലബ്ബിലുമായാണ് പരിപാടികള്‍. വൈകുന്നേരം നാലുമണിക്ക് പ്രസ്‌ക്ലബ്ബ് ഹാളില്‍ നടക്കുന്ന സമാപന സമ്മേളനം നിയമസഭാ ഡെപ്യൂട്ടി സ്പീക്കര്‍ വി.ശശി ഉദ്ഘാടനം ചെയ്യും. ദലിതരുടെയും ആദിവാസികളുടെയും ന്യൂനപക്ഷങ്ങളുടെയും നഗരത്തിലെ ദരിദ്രരുടെയും പൊതുവേദിയാണ് ലോക്മഞ്ച്.