ചടയമംഗലം: സംസ്ഥാന ഹജ്ജ് കമ്മിറ്റി ചെയര്‍മാന്‍ തൊടിയൂര്‍ മുഹമ്മദ് കുഞ്ഞ് മൗലവിക്ക് കൊട്ടാരക്കര താലൂക്ക് ജമാഅത്ത് യൂനിയന്റെ നേതൃത്വത്തില്‍ സ്വീകരണം നല്‍കും.
നാളെ വൈകിട്ട് മൂന്നിന് സ്വീകരണ സമ്മേളനം എന്‍.കെ പ്രേമചന്ദ്രന്‍ എം.പി ഉദ്ഘാടനം ചെയ്യും.
 യൂനിയന്‍ പ്രസിഡന്റ് ഹാജി ജെ. സുബൈര്‍ അധ്യക്ഷത വഹിക്കും. സമസ്ത കേരള ജംഇയ്യത്തുല്‍ ഉലമാ കൊല്ലം ജില്ലാ ജനറല്‍ സെക്രട്ടറി ഹാഫിസ് കാഞ്ഞാര്‍ അഹമ്മദ് കബീര്‍ ബാഖവി മുഖ്യപ്രഭാഷണം നടത്തും. ഡോ. എം.എസ് മൗലവി തൊടിയൂരിനെ ആദരിക്കും. ഹാജി മഞ്ഞപ്പാറ വാഹിദ് മൊമന്റോ നല്‍കും. മത സാമൂഹിക സാംസ്‌കാരിക രാഷ്ട്രീയ നേതാക്കള്‍ പങ്കെടുക്കും.