മലപ്പുറം: കാസര്‍കോട് ചൂരിയിലെ മുഅല്ലിമിന്റെ കൊലപാതകത്തില്‍ പ്രതിഷേധിച്ച് ഇന്നു മലപ്പുറത്ത് നടക്കുന്ന പ്രതിഷേധ പ്രകടനത്തില്‍ സമസ്തയുടെയും കീഴ്ഘടകങ്ങളുടെയും നേതാക്കളും പ്രവര്‍ത്തകരും പങ്കെടുത്തു വിജയിപ്പിക്കാന്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, സമസ്ത കേരള ഇസ്്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ എന്നിവര്‍ ആഹ്വാനം ചെയ്തു. റാലി സമാധാനപരമായിരിക്കണമെന്നും പ്രകോപനപരമായ മുദ്രാവാക്യങ്ങള്‍ ഉണ്ടാകരുതെന്നും നേതാക്കള്‍ അഭ്യര്‍ഥിച്ചു. പ്രതിഷേധ പ്രകടന സംബന്ധമായി ഇന്നു പള്ളികളില്‍ ഖത്വീബുമാര്‍ ഉദ്‌ബോധനം നടത്തണമെന്ന് ജംഇയ്യത്തുല്‍ ഖുത്വബാഅ് ജില്ലാ കമ്മിറ്റിയും പ്രവര്‍ത്തകര്‍ പങ്കെടുത്തു വിജയിപ്പിക്കണമെന്ന് എസ്.കെ.ജെ.എം, എസ്.കെ.എസ്.എസ്.എഫ് ജില്ലാ ഭാരവാഹികളും അഭ്യര്‍ഥിച്ചു.