പി.ജി പ്രവേശനപരീക്ഷാഫലങ്ങള്‍ പ്രസിദ്ധീകരിച്ചു

ജൂണില്‍ നടത്തിയ എം.സി.എ, എം.എസ്‌സി കമ്പ്യൂട്ടര്‍ സയന്‍സ്, എം.എസ്‌സി റേഡിയേഷന്‍ ഫിസിക്‌സ്, എം.എസ്‌സി ഫുഡ് സയന്‍സ് ആന്‍ഡ് ടെക്‌നോളജി, എം.എസ്‌സി അപ്ലൈഡ് സുവോളജി, എം.എസ്‌സി എന്‍വയോണ്‍മെന്റല്‍ സയന്‍സ് പ്രവേശന പരീക്ഷകളുടെ പ്രൊവിഷണല്‍ റാങ്ക്‌ലിസ്റ്റ്ഫലം www.cuonline.ac.in എന്ന വെബ്‌സൈറ്റില്‍ ലഭ്യമാണ്.

പി.ജി കോഴ്‌സുകള്‍ പൂര്‍ത്തിയാക്കാന്‍ അവസരം

പി.ജി കോഴ്‌സുകള്‍ക്ക് രജിസ്റ്റര്‍ ചെയ്ത് അഞ്ചുവര്‍ഷം കൊണ്ട് കോഴ്‌സ് പൂര്‍ത്തിയാക്കാന്‍ കഴിയാത്ത വിദ്യാര്‍ഥികള്‍ക്ക് ജൂലൈയില്‍ നടക്കുന്ന നാലാം സെമസ്റ്റര്‍ പരീക്ഷയോടൊപ്പം (സി.യു.സി.എസ്.എസ്‌സി.സി.എസ്.എസ്) സ്‌പെഷല്‍ സപ്ലിമെന്ററി പരീക്ഷ ലഭ്യമായ സിലബസില്‍ എഴുതാവുന്നതാണ്. ഒരു പേപ്പറിന് 2,500 രൂപ നിരക്കില്‍ ഫീസടച്ച് ജൂലൈ അഞ്ചുവരെ അപേക്ഷിക്കാം. ലഭ്യമായ സിലബസിലാണ് പരീക്ഷ എഴുതുന്നതെന്ന് ഫീസടക്കുന്നതിന് മുന്‍പ് ഉറപ്പുവരുത്തണം. വിവരങ്ങള്‍ക്ക്: 0494 2407206.

പി.ജി വിദ്യാര്‍ഥികള്‍ ഡെസര്‍ട്ടേഷന്‍ സമര്‍പ്പിക്കണം

കാലിക്കറ്റ് സര്‍വകലാശാല നാലാം സെമസ്റ്റര്‍ എം.എ എം.എസ്‌സി എം.കോം എം.എസ്.ഡബ്ല്യൂ എം.എല്‍.ഐ.എസ്‌സിഎം.സി.ജെ എം.ജെ.ടിഎം.ടി.ടി.എം (സി.യു.സി.എസ്.എസ്) വിദ്യാര്‍ഥികള്‍ പരീക്ഷ കഴിഞ്ഞ് പത്തുദിവസത്തിനകം ഡെസര്‍ട്ടേഷന്‍ പഠനവകുപ്പ് മേധാവിക്ക് സമര്‍പ്പിക്കേണ്ടതാണ്.

പരീക്ഷ
ഒന്നാം സെമസ്റ്റര്‍ എം.ആര്‍ക് റഗുലര്‍ സപ്ലിമെന്ററി പരീക്ഷ ജൂലൈ 13-ന് ആരംഭിക്കും.

പരീക്ഷാഫലം
ജനുവരിയില്‍ നടത്തിയ രണ്ടാം വര്‍ഷ അഫ്‌സല്‍-ഉല്‍-ഉലമ പ്രിലിമിനറി സപ്ലിമെന്ററി (ഏപ്രില്‍ 2015) പരീക്ഷാഫലം വെബ്‌സൈറ്റില്‍ ലഭ്യമാണ്. മാര്‍ക്ക്് ലിസ്റ്റുകള്‍ പരീക്ഷാ കേന്ദ്രങ്ങളില്‍ ജൂലൈ ഒന്ന് മുതല്‍ വിതരണം ചെയ്യും. പുനര്‍മൂല്യനിര്‍ണയത്തിന് അപേക്ഷ ജൂലൈ 12 വരെ പരീക്ഷാഭവനില്‍ സ്വീകരിക്കും.