കാസര്‍കോട്: ഹരിത കേരളം മിഷന്റെ ഭാഗമായി ശുചിത്വം, മാലിന്യ സംസ്‌ക്കരണം എന്നീ വിഷയങ്ങളെ ആസ്പദമാക്കി കാസര്‍കോട് നഗരസഭയില്‍ കുടുംബശ്രീ, സി.ഡി.എസ് അംഗങ്ങള്‍, ആശാ വര്‍ക്കര്‍മാര്‍ എന്നിവര്‍ക്കായി പരിശീലന പരിപാടി സംഘടിപ്പിച്ചു. കാസര്‍കോട് നഗരസഭാ ചെയര്‍പേഴ്‌സണ്‍ ബീഫാത്തിമ ഇബ്രാഹിം ഉദ്ഘാടനം ചെയ്തു. ജില്ലാ ശുചിത്വ മിഷന്റെ നേതൃത്വത്തില്‍ നടന്ന ഏകദിന പരിപാടിയില്‍ നൂറോളം പേര്‍ പങ്കെടുത്തു. സംസ്ഥാന കീ റിസോഴ്‌സ്‌പേഴ്‌സണ്‍ കൃഷ്ണന്‍ നായര്‍ ക്ലാസ്സെടുത്തു. ജില്ലാ ശുചിത്വ മിഷന്‍ കോ-ഓര്‍ഡിനേറ്റര്‍ അബ്ദുള്‍ ജലീല്‍. ഡി.വി, കാസര്‍കോട് നഗരസഭാ ഹെല്‍ത്ത് സൂപ്പര്‍വൈസര്‍ ബിന്ദു.കെ, വി. സുകുമാരന്‍, സിറാജുദ്ദീന്‍. കെ, ഭരത്ബാബു സംബന്ധിച്ചു.