കുന്നുംകൈ: കുന്നുംകൈ മഖാം ഉറൂസ് ഏപ്രില്‍ ആറു മുതല്‍ പത്ത് വരെ നടക്കും. ആറിനു രാവിലെ ജമാഅത്ത് പ്രസിഡന്റ് കെ.എന്‍ അബ്ദുല്‍ റഹ്മാന്‍ ഹാജി പതാക ഉയര്‍ത്തും. സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉറൂസ് ഉദ്ഘാടനം ചെയ്യും. കെ.പി അബ്ദുല്‍ റഹ്മാന്‍ അധ്യക്ഷനാകും. സയ്യിദ് സിറാജുദ്ധീന്‍ തങ്ങള്‍ പ്രാര്‍ഥന നിര്‍വഹിക്കും. കാഞ്ഞങ്ങാട് സംയുക്ത ജമാഅത്ത് പ്രസിഡന്റ് മെട്രോ മുഹമ്മദ് ഹാജി മുഖ്യാതിഥിയാകും. ഉസ്താദ് മുഹമ്മദ് അന്‍വര്‍ ഹുദവി പ്രഭാഷണം നടത്തും. ഏഴിനു നടക്കുന്ന ഖത്തം ദുആക്ക് സയ്യിദ് മഹമൂദ് സഫ്വാന്‍ തങ്ങള്‍ നേതൃത്വം നല്‍കും. ആബിദ് ഹുദവി തച്ചണ്ണ പ്രഭാഷണം നടത്തും. എട്ടിനു മുഹമ്മദ് അമീന്‍ വയനാട് പ്രഭാഷണം നടത്തും. എ.സി അബ്ദുല്‍ ഖാദര്‍ അധ്യക്ഷനാകും. സമാപനസമ്മേളനം ടി.സി അബ്ദുല്ല മുസ്‌ലിയാര്‍ ഉദ്ഘാനം ചെയ്യും. എ.ജി അബ്ദുല്‍ നാസര്‍ അധ്യക്ഷനാകും. ആലുംതറ ഉസ്താദ് ശാദുലി റാതീബിനും കൂട്ടുപ്രാര്‍ഥനക്കും നേതൃത്വം നല്‍കും. തുടര്‍ന്ന് ഉത്തര കേരള ദഫ് മുട്ട് മത്സരം സംഘടിപ്പിക്കും. പത്തിനു നടക്കുന്ന മൗലൂദ് പാരായണത്തോടെ ഉറൂസ് സമാപിക്കും.