ബകു: അസര്‍ബൈജാനിലെ ബകുവില്‍ നടക്കുന്ന ഷൂട്ടിങ് ലോകകപ്പില്‍ ഇന്ത്യയുടെ സഞ്ജീവ് രജ്പുത്തിന് വെള്ളി. 50 മീറ്റര്‍ റൈഫില്‍ ത്രീ പൊസിഷനിലാണ് താരത്തിന്റെ മെഡല്‍ നേട്ടം. യോഗ്യതാ ഘട്ടത്തില്‍ 1167 പോയിന്റോടെയാണ് ഏഴാം സ്ഥാനത്തെത്തിയാണ് രജ്പുത് ഫൈനലിലേക്ക് കടന്നത്. 457.5 പോയിന്റോടെ ക്രൊയേഷ്യയുടെ പീറ്റര്‍ ഗോര്‍സയ്ക്കാണ് ഈ വിഭാഗത്തില്‍ സ്വര്‍ണം. 456.9 പോയിന്റോടെയാണ് രജ്പുത് രണ്ടാമതെത്തിയത്. കൊറിയയുടെ യോന്‍ജുന്‍ കിമ്മിനാണ് വെങ്കലം.