വിഴിഞ്ഞം: പ്രായപൂര്‍ത്തിയാകാത്ത പെണ്‍കുട്ടിയെ വിവാഹ വാഗ്ദാനം നല്‍കി തട്ടിക്കൊണ്ട് പോയ കേസില്‍ യുവാവ് അറസ്റ്റില്‍. പയറ്റുവിള കുഴിയന്‍വിള പുത്തന്‍ വീട്ടില്‍ പ്രശാന്തിനെയാണ് വിഴിഞ്ഞം പൊലിസ് അറസ്റ്റ് ചെയ്തത്. കഴിഞ്ഞ ചൊവ്വാഴ്ചയാണ് കേസിനാസ്പദമായ സംഭവം നടന്നത്.
സൈബര്‍ സെല്ലിന്റെ സഹായത്തോടെ നടത്തിയ അന്വേഷണത്തിനൊടുവില്‍ വൈകിട്ടോടെ പെണ്‍കുട്ടിയെ പ്രതിയോടൊപ്പം കണ്ടെത്തുകയായിരുന്നു. വിഴിഞ്ഞം പൊലിസ് ഇന്‍സ്‌പെക്ടര്‍ എന്‍. ഷിബുവിന്റെ നേതൃത്വത്തില്‍, എസ്.ഐ അശോക് കുമാര്‍, എ.എസ്.ഐ സുനില്‍, സി.പി.ഒ ജോസ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.