തെന്മല: ഒന്‍പതുകാരിയെ പീഡിപ്പിച്ച കേസില്‍ മാതാവിന്റെ കാമുകന്‍ പിടിയില്‍. മലയാലപ്പുഴ സ്വദേശിയായ വിഷ്ണു (25) ആണ് പിടിയിലായത്. ഉറുകുന്ന് മലവേടര്‍ കോളനിയില്‍ താമസക്കാരിയായ യുവതിയുടെ മൂന്നാം ക്ലാസുകാരിയായ മകളെ പീഡിപ്പിച്ച കേസില്‍ പോക്‌സോ, എസ്.ടി വകുപ്പിലാണ് അറസ്റ്റ്. കോളനി മൂപ്പനും വാര്‍ഡംഗവും ചേര്‍ന്ന് നല്‍കിയ പരാതിയെ തുടര്‍ന്ന് എസ്.ഐ പ്രവീണ്‍ കുമാറിന്റെ നേതൃത്വത്തില്‍ വിഷ്ണുവിനെ പിടികൂടുകയായിരുന്നു.
ഭര്‍ത്താവുമായി അകന്ന് നില്‍കുന്ന യുവതിക്കൊപ്പം കഴിഞ്ഞ മൂന്ന് വര്‍ഷത്തോളമായി താമസിച്ച് വരുകയായിരുന്നു വിഷ്ണുവെന്ന് പൊലിസ് പറഞ്ഞു.
മാതാവ് സുഖമില്ലാതെ ആശുപത്രിയില്‍ ചികിത്സയിലായിരുന്നപ്പോഴാണ് പീഡനം. പുനലൂര്‍ ഡിവൈ.എസ്.പി അനില്‍കുമാറിനാണ് അന്വേഷണ ചുമതല.