തിരുവനന്തപുരം: എസ്.എസ്.എല്‍.സി കണക്ക് പരീക്ഷയുടെ ചോദ്യക്കടലാസില്‍ സ്വകാര്യ സ്ഥാപനത്തിന്റെ മോഡല്‍ ചോദ്യങ്ങള്‍ പകര്‍ത്തിയെന്ന പരാതിയില്‍ അന്വേഷണം നടത്താന്‍ നടത്താന്‍ ഡി.പി.ഐ ഉത്തരവിട്ടു. പൊതുവിദ്യാഭ്യാസ ഡയറക്ടര്‍ കെ.വി മോഹന്‍കുമാറിന്റേതാണ് ഉത്തരവ്. കഴിഞ്ഞദിവസം നടന്ന കണക്ക് പരീക്ഷയുടെ ചോദ്യങ്ങള്‍ മലപ്പുറം അരീക്കോട്ടുള്ള സ്വകാര്യ സ്ഥാപനത്തിന്റെ മോഡല്‍ ചോദ്യക്കടലാസിലുള്ളതാണെന്നായിരുന്നു പരാതി. നവമാധ്യമങ്ങളിലൂടെയാണു സംഭവം വിവാദമായത്.