കോഡൂര്‍: ഗ്രാമപ്പഞ്ചായത്ത് പതിനാലാം വാര്‍ഡ് ഒറ്റത്തറയിലെ കൊളക്കാടന്‍ കുളം പുനര്‍നിര്‍മിച്ചു. കാര്‍ഷികാവശ്യങ്ങള്‍ക്കും പരിസരത്തെ കുടുബങ്ങളുടെ നിത്യാവശ്യത്തിനും ഏറെ ഉപകാരമായിരുന്ന കുളം വര്‍ഷങ്ങളായി മണ്ണടിഞ്ഞു കിടക്കുകയായിരുന്നു.
ഉപയോഗശൂന്യമായിരുന്ന കുളം ഗ്രാമപ്പഞ്ചായത്തിന്റെ ദേശിയ ഗ്രാമീണ തൊഴിലുറപ്പ് പദ്ധതിയില്‍ ഉള്‍പെടുത്തിയാണ് പുനര്‍നിര്‍മാണം നടത്തിയത്.
പുനര്‍നിര്‍മാണ പ്രവര്‍ത്തനത്തിന് ഗ്രാമപ്പഞ്ചായത്തംഗം മച്ചിങ്ങല്‍ മുഹമ്മദ്, അസി. സെക്രട്ടറി എം.ജി സീതാലക്ഷ്മി, ഗ്രാമസേവകന്‍ വിമല്‍ കുമാര്‍, തൊഴിലുറപ്പ് പദ്ധതി എന്‍ജിനീയര്‍മാരായ സബ്‌ന ചുണ്ടയില്‍, ജസീര്‍ അഹമ്മദ് വലിയതൊടി, കുടുംബശ്രീ എ.ഡി.എസ് അധികാരത്ത് സുശീല നേതൃത്വം നല്‍കി.