നാദാപുരം: നാദാപുരം മുന്‍ എം.എല്‍.എ ആയിരുന്ന ബിനോയ് വിശ്വത്തിന്റെ സ്വപ്ന പദ്ധതികളിലൊന്ന് ഇന്നലെ യാഥാര്‍ഥ്യമായെങ്കിലും അദ്ദേഹത്തിന്റെ അസാന്നിധ്യം ചര്‍ച്ചയായി. ഇന്നലെ നടന്ന ഉദ്ഘാടന പരിപാടിയില്‍ അദ്ദേഹത്തെ ക്ഷണിച്ചിരുന്നില്ല. അദ്ദേഹം മന്ത്രിയായിരുന്ന കാലത്താണ് ഇതിന്റെ മിനി സിവില്‍ സ്റ്റേഷന്റെ സ്ഥലമെടുപ്പ് പ്രവര്‍ത്തനങ്ങള്‍ക്കും നിര്‍മാണ ജോലികള്‍ക്കും തുടക്കം കുറിച്ചത്.
എന്നാല്‍ വ്യാഴാഴ്ച അദ്ദേഹം ഇവിടെയെത്തുകയും കെട്ടിടമടക്കം നോക്കിക്കാണുകയും ചെയ്തു മടങ്ങുകയായിരുന്നു.സ്ഥലത്ത് സി.പി.ഐ യുടെ എം.എല്‍.എ ഉണ്ടായിട്ടും അദ്ദേഹത്തിന് പരിപാടിക്ക് ക്ഷണം കിട്ടാത്തതും ചര്‍ച്ചയായി.
.