മാനന്തവാടി: വള്ളിയൂര്‍ക്കാവ് ക്ഷേത്രം ഒപ്പന വരവ് ഇന്നെത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
വൈകുന്നേരം മേല്‍ശാന്തി ശ്രീജേഷ് നമ്പൂതിരിയുടെ നേതൃത്വത്തില്‍ ഒപ്പന കോപ്പ് മേലേക്കാവില്‍ എത്തിച്ച് വാദ്യമേളങ്ങളുടെയും ഗജവീരന്റെയും അകമ്പടിയോടെ താഴെക്കാവിലേക്ക് എഴുന്നള്ളിക്കും. തുടര്‍ന്ന് ഒപ്പന ദര്‍ശനം നടത്തും. ഉത്സവം സമാപിക്കുന്നതു വരെ ഒപ്പന ദര്‍ശനം ഉണ്ടാവും.
വാര്‍ത്താസമ്മേളനത്തില്‍ ഏച്ചോം ഗോപി, കെ.വി നാരായണന്‍ നമ്പൂതിരി, കമ്മന മോഹനന്‍, പി.വി സുരേന്ദ്രന്‍, എ.എം നിഷാന്ത്, ഇ.വി വനജാക്ഷി, കെ.സി സുനില്‍ എന്നിവര്‍ പങ്കെടുത്തു.