മാനന്തവാടി: ജില്ലാ ആരോഗ്യ വകുപ്പിന്റെ ആഭിമുഖ്യത്തില്‍ 'ഒരുമിക്കാം ക്ഷയരോഗം തുടച്ച് നീക്കാം' എന്ന സന്ദേശമുയര്‍ത്തി സംഘടിപ്പിച്ച ലോക ക്ഷയരോഗ ദിനാചരണ പരിപാടികളുടെ ജില്ലാതല ഉദ്ഘാടനം മാനന്തവാടി ഹാക്‌സണ്‍ ഓഡിറ്റോറിയത്തില്‍ ജില്ലാ പഞ്ചായത്ത് പ്രസിഡന്റ് ഉഷാകുമാരി നിര്‍വഹിച്ചു. നഗരസഭാ ചെയര്‍മാന്‍ വി.ആര്‍ പ്രവീജ് അധ്യക്ഷനായി. ഡെപ്യൂട്ടി ഡി.എം.ഒ ഡോ. കെ സന്തോഷ് ലോക ക്ഷയരോഗ ദിനാചരണ സന്ദേശം നല്‍കി. കടവത്ത് മുഹമ്മദ്, അഡ്വ. റഷീദ് പടയന്‍, ഡോ.അഭിലാഷ്, ഡോ. കെ.എസ് അജയന്‍, ഡോ.നാരായണന്‍നായര്‍, സന്തോഷ്, കെ ഉസ്മാന്‍, എന്‍.എന്‍ ഓമന, ടി ശശികുമാര്‍ സംസാരിച്ചു.