കൊണ്ടോട്ടി: കരിപ്പൂര്‍ വിമാനത്താവളത്തില്‍ മൂന്ന് സ്ത്രീകളുള്‍പ്പെടെ നാലു പേരില്‍ നിന്നായി 27.97 ലക്ഷത്തിന്റെ സ്വര്‍ണം എയര്‍ കസ്റ്റംസ് ഇന്റലിജന്‍സ് പിടികൂടി. രണ്ട് പേര്‍ മസ്‌കത്തില്‍ നിന്നും ബാക്കിയുള്ളവര്‍ ദുബൈയില്‍ നിന്നുമാണ് കരിപ്പൂരിലെത്തിയത്.നാല് പേരില്‍ നിന്നുമായി 866 ഗ്രാം സ്വര്‍ണമാണ് കണ്ടെത്തിയത്. ദുബൈയില്‍ നിന്നെത്തിയ യാത്രക്കാരന്‍ ക്ലോക്കിനും ഹാന്‍ഡ് ഷവര്‍ ട്യൂബിനും ഉള്ളിലായിട്ടായിരുന്നു സ്വര്‍ണം ഒളിപ്പിച്ചത്. ഇയാളില്‍ നിന്നും 11.05 ലക്ഷം രൂപ വില വരുന്ന 350 ഗ്രാമാണ് കണ്ടെത്തിയത്.
മൂന്ന് സ്ത്രീകളും ശരീരത്തില്‍ സ്വര്‍ണം ഒളിപ്പിച്ചു കടത്തുകയായിരുന്നു.