കോഴിക്കോട്: അരയിടത്തുപാലം ഹോട്ട് സ്‌പോട്ട് ഹോട്ടലില്‍ നിന്നും പഴകിയ ഭക്ഷണം പിടികൂടി.ഇന്നലെ രാവിലെ ഏഴരയോടെ കോര്‍പറേഷന്‍ ആരോഗ്യ വിഭാഗം നടത്തിയ പരിശോധനയിലാണ് പിടികൂടിയത്. ഇതുകൂടാതെ മാവൂര്‍റോഡിലെ നാല് ബേക്കറികളിലും രണ്ട് ഹോട്ടലുകളിലും ഇന്നലെ രാവിലെ സംഘം പരിശോധന നടത്തി. ഹോട്ടലിന് നോട്ടീസ് നല്‍കിയിട്ടുണ്ട്. വരുംദിവസങ്ങളിലും പരിശോധന ശക്തമാക്കുമെന്ന് ഉദ്യോഗസ്ഥര്‍ അറിയിച്ചു.