കൊച്ചി: ക്ഷീരോത്പാദനം വര്‍ധിപ്പിക്കുക എന്ന ലക്ഷ്യത്തോടെ ജില്ലാ പഞ്ചായത്ത് ആവിഷ്‌കരിച്ചിരിക്കുന്ന പലിശരഹിത വായ്പാ പദ്ധതി ക്ഷീരവര്‍ധിനിയുടെ ഉദ്ഘാടനം ഇന്നു രാവിലെ പത്തരയ്ക്ക് ജില്ലാ പഞ്ചായത്ത് ഹാളില്‍ നടക്കും.
പ്രസിഡന്റ് ആശ സനിലിന്റെ അധ്യക്ഷതയില്‍ ചേരുന്ന യോഗത്തില്‍ പ്രൊഫ. കെ.വി തോമസ് എം.പി ഉദ്ഘാടനം നിര്‍വഹിക്കും. പി.ടി തോമസ് എം.എല്‍.എ മുഖ്യാതിഥിയായിരിക്കും. വൈസ്പ്രസിഡന്റ് അഡ്വ. ബി. എ. അബ്ദുള്‍ മുത്തലിബ് മുഖ്യപ്രഭാഷണം നിര്‍വഹിക്കും.
ക്ഷീരവികസന ഡെപ്യൂട്ടി ഡയറക്ടര്‍ ജോസ് ജേക്കബ് പദ്ധതി വിശദീകരണം നടത്തും. ജില്ലയിലെ തെരഞ്ഞെടുത്ത 100 ക്ഷീരസഹകരണ സംഘങ്ങളിലെ കര്‍ഷകര്‍ക്ക് കറവപശുക്കളെ വാങ്ങാന്‍ പലിശരഹിത വായ്പ നല്‍കുന്നതിന് സംഘങ്ങള്‍ക്കു രണ്ടുലക്ഷം രൂപ അനുവദിക്കും.