കീവ്: 2020ലെ യുവേഫ ചാംപ്യന്‍സ് ലീഗ് ഫൈനല്‍ ഇസ്താംബൂളിലെ അറ്റതുര്‍ക് ഒളിംപിക് സ്റ്റേഡിയത്തില്‍ അരങ്ങേറും. യുവേഫ പ്രസിഡന്റ് അലക്‌സാണ്ടര്‍ സെര്‍ഫിന്‍ വേദി ഔദ്യോഗികമായി പ്രഖ്യാപിച്ചു. 76,000 പേര്‍ക്ക് കളി കാണാന്‍ സൗകര്യമുള്ള സ്റ്റേഡിയമാണിത്. 2005ല്‍ എ.സി മിലാനെതിരേ 3-0ത്തിന് പിന്നില്‍ നിന്ന ശേഷം പെനാല്‍റ്റിയിലൂടെ ലിവര്‍പൂള്‍ വിജയിച്ചുകയറിയ ത്രില്ലര്‍ പോരാട്ടം അരങ്ങേറിയ സ്റ്റേഡിയമെന്ന പ്രത്യേകതയും അറ്റതുര്‍കിനുണ്ട്.
2020ലെ യുവേഫ യൂറോപ്പ ലീ ഗ് ഫൈനല്‍ പോളണ്ടിലെ ഗനസ്‌കിലും യുവേഫ സൂപ്പര്‍ കപ്പ് ഫൈനല്‍ പോര്‍ച്ചുഗല്‍ ടീം പോര്‍ടോയുടെ ഹോം മൈതാനമായ എസ്റ്റാഡിയോ ഡ്രഗാവോയിലും നടക്കും.