ന്യൂഡല്‍ഹി: മലയാളി വിദ്യാര്‍ഥി ഡല്‍ഹിയില്‍ പാന്‍ മസാലക്കടക്കാരന്റെ മര്‍ദനത്തിരയായി കൊല്ലപ്പെട്ടു. പാലക്കാട് സ്വദേശി ഉണ്ണികൃഷ്ണന്റെ മകന്‍ രജത് ആണ് മരിച്ചത്.

ഡല്‍ഹി പബ്ലിക്ക് സ്‌കൂളിലെ ഒന്‍പതാം ക്ലാസ് വിദ്യാര്‍ഥിയാണ് രജിത്. ഡല്‍ഹിയിലെ മയൂര്‍ വിഹാറില്‍ ഇന്നലെ വൈകുന്നേരമാണ് സംഭവം.

രജത്തിനൊപ്പം മൂന്നു മലയാളി വിദ്യാര്‍ഥികള്‍ കൂടി മര്‍ദനത്തിനിരയായിട്ടുണ്ട്. സ്‌കൂള്‍ വിട്ടു വരികയായിരുന്ന വിദ്യാര്‍ഥികളെ സമീപത്തെ പാന്‍മസാലക്കടക്കാരന്‍ മര്‍ദിക്കുകയായിരുന്നു. എന്നാല്‍ മര്‍ദനത്തിന്റെ കാരണം വ്യക്തമായിട്ടില്ല. പൊലിസ് മര്‍ദനമേറ്റ മൂന്നു വിദ്യാര്‍ഥികളുടെ മൊഴി രേഖപ്പെടുത്തുകയാണ്.