ഡല്‍ഹി: ഡല്‍ഹിയിലെ നരേല ഇന്‍ഡസ്ട്രിയല്‍ ഏരിയയില്‍ പ്ലാസ്റ്റിക് ഫാക്ടറിയില്‍ ഉണ്ടായ തീപ്പിടിത്തതില്‍ ഗുരുതരമായി പൊള്ളലേറ്റ ആള്‍ മരിച്ചു. ഇന്ന് പുലര്‍ച്ചെയുണ്ടായ തീപ്പിടിത്തത്തില്‍ അഗ്നിശമന സേന രക്ഷപ്പെടുത്തിയ രണ്ടു പേരില്‍ ഒരാള്‍ക്ക് ഗുരുതരമായി പൊള്ളലേറ്റിരുന്നു. ഇയാളാണ് മരണപ്പെട്ടത്. ബബ്‌ലു എന്നയാളാണ് മരണപ്പെട്ടത്. കൂടെയുണ്ടായിരുന്ന അനില്‍ എന്നയാള്‍ ഇപ്പോഴും അബോധവസ്ഥയിലാണെന്ന് ആശുപത്രി വൃത്തങ്ങള്‍ അറിയിച്ചു.

മരിച്ചയാളുടെ വ്യക്തിപരമായ വിവരങ്ങള്‍ പുറത്തുവിട്ടിട്ടില്ല. ഫാക്ടറിയുടെ ജി ബ്ലോക്കിലാണ് തീപ്പിടിത്തമുണ്ടായത്. ഇന്ന് പുലര്‍ച്ചെയുണ്ടായ തീപ്പിടിത്തം നിയന്ത്രണവിധേയമാക്കിയതായി അധികൃതര്‍ അറിയിച്ചു. സംഭവസ്ഥലം ഇപ്പോള്‍ തണുപ്പിക്കാനുള്ള തയ്യാറെടുപ്പിലാണ് അഗ്നിശമന സേന.