ഈരാറ്റുപേട്ട : കേരള സംസ്ഥാന പൊതു വിദ്യാഭ്യാസവകുപ്പ് എട്ടാം ക്ലാസിലെ പ്രതിഭാധനരായ വിദ്യാര്‍ത്ഥികള്‍ക്കായി നടത്തുന്ന നാഷണല്‍ മീന്‍സ് കം മെരിറ്റ് സ്‌കോളര്‍ഷിപ്പ് പരീക്ഷയില്‍ ഈരാറ്റുപേട്ട മുസ്‌ലിം ഗേള്‍സ് ഹയര്‍ സെക്കന്ററി സ്‌കൂളിലെ വിദ്യാര്‍ത്ഥികള്‍ ജില്ലയില്‍ വീണ്ടും ഒന്നാമതെത്തി.
സ്‌കൂളില്‍ നിന്നും പരീക്ഷയെഴുതിയ ഫിദ ഫാത്തിമ ഉനൈസ്, സഹില കെ സക്കീര്‍, ആദില ഇഫ്‌റത്ത്, അസ്‌ലഹ റഷീദ്, ഫെമിയ കെ പി, നിസ്‌റിന്‍ ഫാത്തിമ, അനീറ്റ പി ബി, അസ്‌ന മുഹമ്മദ്അന്‍സാരി, അമിത നൗഫല്‍, മാളവിക സി പിള്ള, സന ഹൈറൂന്‍ എന്നീ പതിനൊന്ന് വിദ്യാര്‍ത്ഥികള്‍ സ്‌കോളര്‍ഷിപ്പ് കരസ്ഥമാക്കി.
തുടര്‍ച്ചയായ എട്ടാം വര്‍ഷമാണ് ജേതാക്കളുടെ എണ്ണത്തില്‍ സ്‌കൂള്‍ ജില്ലയില്‍ ഒന്നാമതെത്തുന്നത്. ജേതാക്കള്‍ക്ക് പ്രതിവര്‍ഷം ആറായിരം രൂപ വീതം സ്‌കോളര്‍ഷിപ്പ് ലഭിക്കും. കേന്ദ്രമാനവവിഭവശേഷി മന്ത്രാലയമാണ് സ്‌കോളര്‍ഷിപ്പ് നല്‍കുന്നത്. സ്‌കൂളില്‍ പ്രത്യേകമായി നടത്തുന്ന ചിട്ടയായ പരിശീലനത്തിലൂടെയാണ് വിദ്യാര്‍ത്ഥികളെ സ്‌കോളര്‍ഷിപ്പിന് തയ്യാറാക്കുന്നത്. സ്‌കോളര്‍ഷിപ്പ് ജേതാക്കളെ പിറ്റിഎ മാനേജ്‌മെന്റ് കമ്മറ്റികള്‍ അഭിനന്ദിച്ചു.