കല്‍പ്പറ്റ: വിദ്യാര്‍ഥികളെ സ്റ്റോപ്പില്‍ നിന്നും കയറ്റാതെ പോകുന്ന സ്വകാര്യ ബസുകള്‍ക്കെതിരേ കര്‍ശന നടപടിയെടുക്കുമെന്ന് ആര്‍.ടി.ഒ ആറിയിച്ചു. എല്ലാ യാത്രക്കാരെയും കയറ്റിയതിന് ശേഷം മാത്രം വിദ്യാര്‍ഥികളെ കയറ്റുന്ന പ്രവണത നിര്‍ത്തലാക്കണം. വിദ്യാര്‍ഥികള്‍ ഇരിക്കുന്ന സീറ്റില്‍ നിന്ന് എഴുന്നേല്‍പ്പിച്ച് മറ്റ് യാത്രക്കാരെ ഇരുത്തുന്നതും ശരിയല്ലെന്നും ഓട്ടോറിക്ഷയില്‍ സീറ്റിംഗ് കപ്പാസിറ്റിയിലധികം കുട്ടികളെ കൊണ്ടുപോകുന്നവരുടെ പെര്‍മിറ്റ് റദ്ദാക്കുന്നതടക്കമുള്ള നടപടികള്‍ ഉണ്ടാകുമെന്നും വരും ദിവസങ്ങളിലും പരിശോധന തുടരുമെന്ന് ആര്‍.ടി.ഒ മുരളീകൃഷ്ണന്‍ അറിയിച്ചു.